Ամեն մարդ իր սրտում ունի իր երազանքի փոքրիկ կտորը, որը պահում է սրտի ամենախոր անկյունում: Երբեմն մոտենում է այդ անկյունին ,շոյում ,ժպտում է երազանքին ու էլի թողնելով նրան այնտեղ ` հեռանում:
Մարդիկ,եկել եմ ասելու,որ ժամանակը եկել է: Այո,հենց հիմա,հենց այս պահին:Ժամանակն է...
Ժամանակն է երազանքը նպատակ դարձնելու: Հանեք երազանքը սրտի մութ անկյունից,վերցրեք այն ձեր ձեռքերի մեջ ,թող արև տեսնի,թող մարդկանց հետ ծանոթանա,թող շնչի ու սկսի ապրել: Ամենաառաջին քայլով` այն նպատակ դարձրեք: Սկսկեք գործել: Եթե կա երազանք ,ուրեմն` պետք է հասնել դրան:
Հավատացեք,եթե դուք երազում եք սովորել Քեմբրիջի համալսարանում կամ էլ ունենալ շքեղ առանձնատուն,ուրեմն` կարող եք: Ոչ մի միտք հենց այնպես չի ծնվում: Եթե դուք երազում եք դրա մասին,ուրեմն ձեր ուղեղն արդեն իսկ գիտի,որ հնարավոր է այդ միտքը իրականություն դարձնել:
Ամեն երազանք չէ,որ նպատակ է դառնում, նպատակ դարձրեք ամենակարևորները,նրանք,որոնք իրոք հնարարավոր է իրագործել:
Գիտեմ,որ դժվար է: Սակայն ես հաճախ եմ սիրում կրկնել. "Դժվար,բայց ոչ` անհնար" :
Դե~ մարդիկ, ժպտացեք օրվան: Պահը եկել է, սկսեք պայքարել ձեր երազանքի համար հենց հիմա,հենց այս րոպեից: Եթե դուք չհասնեք ձեր երազանքին,միգուցե մեկ ուրիշը հասնի դրան,սովորեք պայքարել այն ամենի համար,ինչ սիրում եք:
Մենք ենք ստեղծում մեր վաղվա օրը ու մեզնից է կախված ինչ կլինի հետո: Ուզո՞ւմ եք հասնել երազանքներին . սկսեք գործել: Հենց հիմա մի կողմ նետեք ծուլությունը, գրեք թղթի վրա ու պատին փակցրեք ձեր երազանքը ու անընդհատ մտածեք նրա մասին: Աշխատեք,կանգ մի առեք,ժամանակը գնում է առաջ : Աշխատասիրություն, ուժեղ կամք ու ես հավատացնում եմ ` երազանքը,որն արդեն իսկ նպատակ է, ձեր ձեռքերում է: Ամբողջ աշխարհն է ձեր ձեռքերում:
Комментариев нет:
Отправить комментарий